KULMIYE oo Maalinta Koowaad ee Ololihiisa Ku Daah-furay Mawjado Isu Soo Baxyo ah
KULMIYE oo Maalinta Koowaad ee Ololihiisa Ku Daah-furay Mawjado Isu Soo Baxyo ah
Hargeysa(Xogreebnews.com)-Xisbiga Midnimada iyo horumarka ee KULMIYE, ayaa maanta si rasmi ah u daah-furay ololihiisa doorashooyinka madaxtooyada shalay dalka oo dhan ka bilaabmay, waxana caasimadda Hargeysa ku ibo furay kumanaan kamid ah taageerayaasha xisbiga oo ay wehelinayaan hoggaanka sare ee xisbiga iyo guddida ololahagobolka Maroodi-jeex. Kumanaan kamid ah taageerayaasha xisbiga KULMIYE oo isugu jira, waayeel, dhallinyaro iyo haween, ayaa isagu soo baxay barxadda khayrida Hargeysa, waxan kala qaybgalay guddoomiyaha xisbiga KULMIYE Md. Muuse Biixi Cabdi, xubno kale oo hoggaanka xisbiga kamid ah, wasiirro, xildhibaanno, siyaasiyiin iyo guddida ololaha KULMIYE ee gobolka Maroodijeex, waxana halkaas laga jeediyey hadallo lagu guubaabinayo taageerayaasha, isla markaana loogu mahadcelinayo isu soo baxooda iyo taageerada ay xisbiga KULMIYE u muujiyeen. Khudbado kooban oo macno iyo miisaanleh, ayaa loo jeediyey shacabka ku dhaqan caasimadda Hargeysa ee la dhacsan taageerada KULMIYE, waxana xubnihii halkaas ka hadlay oo ay kamid yihiin guddoomiyaha ololaha KULMIYE ee gobolka Maroodi-jeex Md. Axmed Cabdi Nuur Kijaandhe, Ambassador Xuseen Cali Ducaale (Cawil), Yoonis Cali Nuur iyo guddoomiyaha xisbiga ee gobolka Maroodijeex Md. Maxamed Iid Dhimbiil, waxana ay taageerayaasha ku guubaabiyeen inay maalinta codka ku hubsadaan xisbiga KULMIYE. Leave a comment |
|
KULMIYE oo Maalinta Koowaad ee Ololihiisa Ku Daah-furay Mawjado Isu Soo Baxyo ah
KULMIYE oo Maalinta Koowaad ee Ololihiisa Ku Daah-furay Mawjado Isu Soo Baxyo ah