Muqdisho(xogreebnews.com-Wasiirka Wasaaradda Arrimaha Dibadda Somaliya C/salaan Hadliye Cumar, ayaa waxa uu maanta si ramsi ah uu ula wareegay xilkaasi, markii munsaabad xil wareejin ah ay ka qabsoomtay Xarunta Wasaaradaasi.

Muqdisho(xogreebnews.com-Wasiirka Wasaaradda Arrimaha Dibadda Somaliya C/salaan Hadliye Cumar, ayaa waxa uu maanta si ramsi ah uu ula wareegay xilkaasi, markii munsaabad xil wareejin ah ay ka qabsoomtay Xarunta Wasaaradaasi.

Wasiirkii hore ee Wasaaradda Arrimaha Dibadda C/raxmaan Ducaale Beyle, ayaa si buuxdo xilkaasi ugu wareejiyay Wasiirka cusub, oo ay isu heyb yihiin.

Madasha munaasabadda waxaa ku sugnaa guddi uu Ra’iisal Wasaaraha Somaliya, uu u xil saaray xil wareejinta Wasaaradaha Xukuumadda Federalka.

Wasiirkii hore ee xlka wareejiyay, ayaa wuxuu soo dhaweeyay in xilkaasi uu u wareejiyo si qurux badan leh, isagoona Wasiirka cusub u rajeeyay in Alle uu ku guuleeyo hawsha adag ee lagu aaminay.

Wasiirka cusub, ayaa Wasiir Beyle kaga mahadceliyay sida diiran ee xilkaasi uu ugu wareejiyay, ka dib muddo 13 bilood ah oo uu soo soo ahaa Wasiirka Arrimaha Dibadda Somaliya.

Wasiir Hadliye, ayaa Wasiirkii hore ku ammaanay in shaqo culus uu qabtay mudadii uu xilkaasi haayay, isla-markaana uu qabtay wax muuqdo oo maanta la taaban karo, sida uu yiri.

Tani waxay ku soo aadeysaa, iyadoo maanta ay xilalka la wareegeen Wasiirada Arrimaha Gudaha iyo Amniga Qaranka.