Xanta Suuqa ee Siilaanyo Ma Taliyo ah,Miyaanay Markhaati Ku Noqon Wasiiradiisa Waxa ay Doonaan Meel Kasta Ka Sameynayaa?Qormadii 1 aad:
hadaba aynu qormadan kowaad ku soo qaadano wasiirkan warfaafinta Somaliland C/laahi Cukuse iyo dhaqankiisa.
Madaxweyne kasta waxa
markhaatiga ku fura,oo bulshaduna uga markhaati kacdaan hadba sida ay
wasiiradiisu u dhaqmaan,hadaba akhriste waxaynu ka war haynaa xanta inta badan
bulshadu isla dhex marto ee ah in uusan madaxweyne Siilaanyo talin,ee meesha ay
ka taliyaan kooxo kala duwan oo ujeedooyin kala duwan leh,kuwaasi oo awooda
kala duwan ku dhex leh,xukuumada siilaanyo,hadaba waxba ayeynaan ku sii
dhiiraan eh’. Wasiirada xukuumada
siilaanyo ayaa waxa uu wasiir kasta u dhaqmaa sida uu doono,isagoo isku
halaynaya awooda uu ku dhex leeyahay qasriga madaxtooyada,tiro malaha wasiirada
hadba sida ay doonaan u dhaqmo oo weliba sida ay doonaan u isticmaala hantida
umadda,balse waxaynu doonaynaa in aynu qormooyin ku soo bandhigno hab dhaqanka
siyaasada ku xun ee wasiirada xukuumada siilaanyo ku dhaqmaan iyo tilmaanta ay
siinayso shacabka talaabooyinka ay qaadayaan,hadaba aynu qormadan kowaad ku soo
qaadano wasiirkan warfaafinta Somaliland C/laahi Cukuse iyo dhaqankiisa. Akhrise qormooyinkan
ama qoraaladan oo noqon doona kuwo taxane ah,ayaanu jecel nahay in aanu
qormadan ku soo qaadano dhaqanada wasiir cuskue. Wasiirka warfaafinta
warfaafinta Somaliland oo ah C/laahi Cukuse ayaa waxa uu ku caan yahay
dhaqano,ay tahay in hadii madaxweyne taliyaa jiro,in wax laga qabto,akhriste
waxay soomaalidu ku maah maahdaa MAYDH KEE UGU DANBEEYEY iyo KAA LA
SIISIDO,dhawaan ayey aheyd markii wasiir cukuse dhaqan ka baxsan ka dawliga ah
iyo ka siyaasadeedba kula kacay gudoomiyaha jaaliyadda SWEDEN iyo wafti
balaadhan oo reer SWEDEN ah,oo uu hogaaminayey,isagoo wasiir cukuse markii
madaarka caalamiga ah,ee cigaal ay ku soo dhaweynayeen agaasimaha guud ee
wasaaradda warfaafinta Maxamed Cilmi Adan (ilkacse ) iyo maareeyaha
telefishanka qaranka Somaliland ay waftigaasi balaadhan soo dhaweyn diiran ku
qaabileen,balse uu soo dhaweyntaasi ku dhex dhacay wasiir Cukuse oo u eeg AWR
DOOB YAYA,waxana uu amar ku bixiyey in la xidho gudoomiyaha jaaliyadda iyo
waftiga reer SWEDEN ee la socday,mudo kooban markii ay xidhnaayeen, ee khilaaf
gacanta la iskula tegi gaadhayna ku dhex maray wasiirka iyo labada masuul ee
kale ,ayaa waxa arinta mar danbe soo galay madaxtooyada oo furdaamisay
dhacdadaasi xun. Waa dhaco fool xun oo
markhaati u ah,hab dhaqanka iyo maamulka wasiirka ,iyo awooda aan ku dhisneyn
dawladnimada wanaagsan ee uu ka haysto madaxtooyada,waana arin kale oo daliil u
ah,dhaliisha iyo xanta shacabku isla dhex marayaan ee sheegaysa in uusan
madaxweyne Siilaanyo talo gacmaha ugu jirin,waayo hadii aysan sidaasi shacabku
sheegayaan aysan ahayn wasiiradiisu ma waxay u dhaqmi lahaayeen mid kastaa sida
uu doono? La Soco Qormooyinka
Danbe Qore: Maxamed
C/rashiim Muuse Email:mose32@gmail.com Hargeysa/Somaliland Leave a comment |
|
Xanta Suuqa ee Siilaanyo Ma Taliyo ah,Miyaanay Markhaati Ku Noqon Wasiiradiisa Waxa ay Doonaan Meel Kasta Ka Sameynayaa?Qormadii 1 aad:
hadaba aynu qormadan kowaad ku soo qaadano wasiirkan warfaafinta Somaliland C/laahi Cukuse iyo dhaqankiisa.