Golaha amaanka iyo Midowga Yurub oo ka hadlay weerarkii Xarunta Amison-muqdisho
Muqdisho-(Xogreebnews)-War-saxaafadeed uu soo
saaray golaha amaanka ee QM ayaa lagu cambaareeyay weerarkii Khamiistii
Al-shabaab ku qaadeen xarunta taliska dhexe ee ciidamada AMISOM oo ku taala
Xalane.
Golaha amaanka ayaa sheegay in falkaasi uu
ahaa mid argagaxiso ayna cambaareynayaan, waxayna qoraalka ku sheegeen in
weerarkaasi uu ahaa mid fulaynimo ah.
“Golaha amaanka waxaa uu sii wadayaa
taageerada uu siinayo dowladda Soomaaliya iyo ciidamada Midawga Afrika ee
AMISOM si looga guuleysto dadka nabada ka soo horjeeda iyo argagixisada” ayaa
lagu yiri War saxaafadeedka.
Midowga Yurub ayaa dhankiisa soo saaray
qoraal ay iyana ku cambaareynayaan weerarkan Al-shabaab ay ku qaaday Xalane.
”Ma joojinayo weerarkan taageeradii aan siin
jirtan dowladda Soomaaliya iyo shacabkeeda waana sii wadi doonaa illaa
Soomaaliya ay noqoto dowladawood leh” ayaa lagu yiri War-saxaafadeedka.
Ciidamada AMISOM ayaa sheegay in weerarkii
lagu qaaday Xalane ay kaga geeriyoodeen saddex askari iyo shaqaale rayid ah,
inkastoo Al-shabaab ay sheegtay in ku dhowaad 20 qof ay ku dishay.
Weerarkan oo qaabka uu dhacay su’aalo badan
la iska weydiinayo ayaa waxaa uu fadeexad iyo ceeb weyn u soo jiiday ciidamada
AMISOM, maadaama xaruntooda ugu weyn oo si xoogan loo ilaaliyo ay maalin cad
weerareen gudahana u galeen dhowr dagaalyahan oo ka tirsan Al-shabaab.
Golaha amaanka iyo Midowga Yurub oo ka hadlay weerarkii Xarunta Amison-muqdisho
Golaha amaanka iyo Midowga Yurub oo ka hadlay weerarkii Xarunta Amison-muqdisho