Muqdisho(xogreebnews.com_-Guddiga Farsamada ee Maamulka Koonfur Galbeed, ayaa waxay Magaalada Baydhabo ee Gobolka Shabeellaha Hoose

Muqdisho(xogreebnews.com_-Guddiga Farsamada ee Maamulka Koonfur Galbeed, ayaa waxay Magaalada Baydhabo ee Gobolka Shabeellaha Hoose kaga dhawaaqeen in Xarunta Maamulkaasi ay noqoneyso, Degmada Baraawe ee Gobolka Shabeellaha Hoose.

Afhayeenka Guddiga Farsamada ee Maamulka Koonfur Galbeed Siyaad Sheekh Daahir, ayaa wuxuu ku dhawaaqay in Ergada Dhismaha Maamulka Koonfur Galbeed, ay cod buuxdo ku meel mariyeen in Xarunta Maamulka laga dhigo Degmada Baraawe.

Afhayeenka, ayaa ku waramaaya in Degmada Baraawe loo arko mid istiraatiiji ah, isla-markaana ku dhow Magaalada Muqdisho, xiriirisana Gobolada Koonfureed qaarkood, sida uu yiri.

Sidoo kale Guddiga Farsamada, ayaa waxay sameeyeen Calanka Maamulka Koonfur Galbeed (Saddexda Gobol), kaasoo ay ku sheegeen in uu astaan u noqon doono Maamulka la askumaayo, xilli shalay Baydhabo lagu ansaxiyay Dastuurkii uu yeelan lahaa.

Maamulka Koonfur Galbeed (Lixda Gobol), ayaa ka soo horjeedo Maamulka Saddexda Gobol, waxayna ku sheegeen mid dusha uun looga keenay dadka deegaanka