Wasiirka Beeraha Somaliland Oo Ka Hadlay Muhiimada Biyo Xidheennada iyo Waxyaabaha Uu Ku Soo Arkay Socdaal Uu Dooxa Waaheen Ku Soo Maray
Hargeysa(Xogreebnews) Wasiirka Beeraha Somaliland Faarax Cilmi Geedoole, ayaa sharaxaad ka bixiyay Qorshaha biyo xidheeno wasaaraddiisu wado iyo khatarta ay Biyo mareennadu ku hayaan dhulka Beeraha ah iyo dhul daaqsimeedka. Wasiirku waxa uu sheegay in Socdaal uu ku soo indho-indheeyay Dooxyada biyo qabatinka u baahan uu ku soo arkay meelo ay suuro gal tahay in biyaha si sahlan looga xadhi karo.
Hargeysa(Xogreebnews) Wasiirka Beeraha Somaliland Faarax Cilmi
Geedoole, ayaa sharaxaad ka bixiyay Qorshaha biyo xidheeno wasaaraddiisu wado
iyo khatarta ay Biyo mareennadu ku hayaan dhulka Beeraha ah iyo dhul
daaqsimeedka. Wasiirku waxa uu sheegay in Socdaal uu ku soo indho-indheeyay
Dooxyada biyo qabatinka u baahan uu ku soo arkay meelo ay suuro gal tahay in
biyaha si sahlan looga xadhi karo. “Waxaan dhawaan ku tagnay Kormeer Dooxa Waaheen oo ka soo
bilaama Degmada Faraweyne, markaa dhulka Wasaaradda beeraha u calaamadaysan ee
Mashruuca Sanduuqa Horumarinta somaliland(SDF) aanu doonaynu inaanu biyo
xidheenno kaga samayno waa ilaa halka biyahaasi ka soo bilaamaan iyo ilaa halka
badda ay kaga darsamayaan.daadadkaas halkaas ka soo bilaama ilaa halka uu badda
kaga darayo dhib wayn buu ku hayaa degaanka, Dhul Beereedka, Dhul daaqsimeedka
iyo dhamaan deegaankoo dhan khatar buu ku hayaa. Markaa dawladda Somaliland
waxay ku fikiraysaa sidii biyahaas ama daadadkaas Roobku abuurayo looga
faa’iidaysan lahaa, sidii loo qaban lahaa ee loogu bandhigi lahaa Hay’addaha
Caalamiga ah iyo Qaadhaan bixiyeyaasha” ayuu yidhi Wasiirka VOA u waramayay. Wasiirku waxa uu sidoo kale sheegay inay socdaalkooda ku arkeen
meelo ay fududahay in biyaha laga xidhi karo “Runtii Dooxan(Waaheen) waxa jirta
dhawr Meelood oo biyaha laga qaban karo oo ay ka mid tahay Faruur oo aad moodo
in dhaamkiiba si dabiici ah iskaga samaysan yahay laakiin, u baahan qayb yar in
lagu kordhiyo si biyaha loo qabto. Meelaha ka sareeya laftigooda waxa jirta
meel la yidhaahdo Qalwo-shabeel oo Buurtii daadku dhexda ka furay inteedii
kalena dhisan tahay oo iyadana ay suuro gal tahay in biyaha laga xidho” Wasiirka oo hadalkiisa sii wata ayaa tilmaamay muhiimada biyo
xidheenada “Wasaaraddaha Beeraha, degaanka iyo Biyaha intaba waxa khuseeya inay
biyaha qabtaan waayo? Beer ma beeri karno haddii aynaan Biyaha qaban, xoolana
ma daaqi karaan haddaan biyaha loo qaban oo haraad baa dilaya, degaankuna ma
jirayo, markaa waa arin muhiim ah. Markaa umaddna kuma tiirsanaan karto Biyo
roob, waxaana muhiim ah inaynu beeraheena u rogno biyo waraab oo meelkasta
biyaha laga qabto, dhul roobaadka biyaha loo qabto markaa aad iyo aad ayay
xoolaha, Beeraha iyo Bani-aadamkaba muhiim ugu tahay” Ayuu yidhi wasiir
Geedoole. Wasaaradda Beeraha ayaa ku foogan mudooyinkan Biyo xidheeno dalka laga hir galiyo ka dib dhaqaale wasaaraddu ka heshay Sanduuqa Somaliland development fund oo lagu horumarinayo Beeraha iyo biyo xidheennada. Leave a comment |
|
Wasiirka Beeraha Somaliland Oo Ka Hadlay Muhiimada Biyo Xidheennada iyo Waxyaabaha Uu Ku Soo Arkay Socdaal Uu Dooxa Waaheen Ku Soo Maray
Hargeysa(Xogreebnews) Wasiirka Beeraha Somaliland Faarax Cilmi Geedoole, ayaa sharaxaad ka bixiyay Qorshaha biyo xidheeno wasaaraddiisu wado iyo khatarta ay Biyo mareennadu ku hayaan dhulka Beeraha ah iyo dhul daaqsimeedka. Wasiirku waxa uu sheegay i