Xukumadda Somaliland Oo Mawqif Adag Ka Istaagtay Cabashada Bulshada Degan Bananka Xukumaddu Seeraha Ka Xidhayso
Hargeysa(Xogreebnews)Madaxweyne ku xigeenka Somaliland Cabdiraxmaan Saylici, Wasiirka Xannaanada Xoolaha Cabdi Aw-daahir, Wasiirka Degaanka Shukri X.Baandare iyo Odayga Somaliland Xaaji Cabdi Waraabe ayaa si adag uga hadlay Dadka diidan Seeraha Xukumaddu u Qorshaynayso Bananka Qool-caday iyo Aroori. Masuuliyiintan ayaa sidoo kale sheegay in Meelaha Danta Guud ah marka loo baahdo aanay dadku isku sii dhajin.
Hargeysa(Xogreebnews)Madaxweyne ku xigeenka Somaliland
Cabdiraxmaan Saylici, Wasiirka Xannaanada Xoolaha Cabdi Aw-daahir, Wasiirka
Degaanka Shukri X.Baandare iyo Odayga Somaliland Xaaji Cabdi Waraabe ayaa si
adag uga hadlay Dadka diidan Seeraha Xukumaddu u Qorshaynayso Bananka
Qool-caday iyo Aroori. Masuuliyiintan ayaa sidoo kale sheegay in Meelaha Danta
Guud ah marka loo baahdo aanay dadku isku sii dhajin. Masuuliyiintan oo Shalay ka hadlayay kulan lagu daahfurayay
Mashaariic Sanduuqa Horumarinta Somaliland (SDF), Maalgalinayo oo Seerayaashu
ka mid yihiin, ayaa ugu horayn Madaxweyne ku xigeenka Cabdiraxmaan Cabdillaahi
Ismaaciil Saylici, waxa uu sheegay inaanay haboonayn dadka Meelaha danta guud
ah sida gaarka ah uga faa’iidaystaa marka loo baahdo aanay ku sii dhegenaan ee
ay si farxad leh u wareejiyaan. “Ninka labaatan sannadood ka faa’iidaysanayey wax ummaddu wada
lahayd oo kelidii haystay haddii maanta loogu yimi inuu ku sii dhegannaado laga
yeelimaayo, haddii uu ku jiray daar dawladdu leedahay, haddii uu haystay meel
la wada leeyahay ama uu seere ummadda ka dhexeeyey haystay mar haddii loo
baahday oo la hagaajinayo waa inuu isagoo faraxsan ka baxaa, sababtoo ah xaq
isaga gaar u siinayey muu jirin.Mucaaradku inuu horumarka geliyo mucaaradad
maaha oo la yidhaa Al-jaabiri iyo Indho-deero ayaa meel loo xidhayaa,
Qool-caday iyo Aroori iyo seerayaasha la mid ah looma xidhayo cid gaar ah ee
danta ummadda ayaa loo xidhayaa,” Ayaa kamid ahaa Hadalka Mr Cabdiraxmaan
Saylici. Wasiirka Xannaanada Xoolaha Somaliland Cabdi Aw-daahir Cali ayaa
isna meesha ka saaray dareenka Bulshada degan Degaamada la seerayo ee ah in Dad
gaar ah iyo Ganacsato loo xidhayo Dhulka Seeraha ah ee ay degan yihiin
“Waxaannu halkan ka sheegaynaa seeraha la xidhayo Jaabiri ma leh, Indho-deerana
ma leh, ganacsato kale iyo cid gaar ah oo loo xidhayaana ma jirto ee dadka ayaa
loo xidhayaa, waxaanna fuliya dawladda ee Cabdi Aw Daahir maaha (wasiirka),
markaa haddii aannu sheegno oo gole, guud iyo gaarba ka sheegno waa in dadku
qaataan. Meelahan la xidhayo sidii dawladdii hore noqonmaayaan ee waxaynu ka
samaynaynaa ballayo, goobo shaybaadho ah iyo kuwii lagu dawaynayey xoolaha,
shaqaalo abuur baynu ka samaynaynaa, daaq baa laga samaynayaa, siyaasaddeenu
waxa weeye sidii aynu xoolo-raacatadii ugu beddeli lahayn xoolo-dhaqato. Waxa
qorshayahagu yahay haddii Alle nala qabto in neefkeennii lagu iibinayey saddex
jirka uu ku iibgalo hal sanno, in neefka xoolaha caanihiisu u dhigno toban neef
oo maanta jooga,” Ayuu yidhi Wasiir Cabdi Aw-daahir Wasiirka Degaanka Shukri Xaaji Baandare, ayaa iyana halkaasi ka
jeedisay hadalo ku aadan Shacabka iyadoo sheegtay inay diyaar u yihiin Dareenka
cabasho ee Bulshada. “Waxa jirta in kolayba laga cabanayo halkee xooluhu daaqayaa
haddii bananka la xidho ama ay jiraan dad si sharci-darro ah u xidhay
seerayaashii oo beero lagu sheegay, arrintaasi dawladda Somaliland waxay ka
leedahay sharci iyo siyaasad ah in cid kasta oo dhul dan guud ah oo ummadda ka
dhexeeyey ootay lagu soo celin doono gacanta dawladda. Shacabka waxaan leeyahay
haddii ay jiraan wax qawad ama cabasho ah ka dawlad ahaan diyaar baanu idiin
nahay in aannu idinla xallinno, iyadoo mashaariicda ka wasaarad ahaan na hoos
imanaysa inta badan shacabku gacanta ku hayno doono,” Ayay tidhi Wasiir Shukri Ugu dambeyntii Oday Xaaji Cabdi Waraabe ayaa sheegay in Bulshada
uun loo seerayo Seeraha balse aan Cid kale loo seerayn “Seeraha shacabka lagama
seerayo ee waa loo seerayaa, shaqo ayey ka helaan, abaarka ayaa lagala
dagaalamayaa xoolaha nool oo waa kayd meesha loo dhigayo. Maaha inaad waxa
caloosha aad ku haysana ku hayso, afkana aad wax uga sheegto. Berigii hore ee
la seerayey sidan oo kale ayaa rag u hadlay oo u diiday, markii dambe ayey
yidhaahdeen sidaa maanu moodayn.” Ayaa ka mid ahaa hadalka Oday Cabdi Waraabe. Hadalka Masuuliyiintan ayaa ka dambeeyay Walaac xooggan oo Bulshada degaanada Xukumaddu Seeraha ka xidhayso ee Banka Qool-caday iyo Aroori ka muujisay Seeraha la xidhayo. Bulshada ayaa ku doodaysa in Dad gaar ah siiba ganacsatada xoolaha loo xidhayo dhulkaasi, si wakhtiyada ay xoolaha Iibsadaan ay ugu naaxistaan. Leave a comment |
|
Xukumadda Somaliland Oo Mawqif Adag Ka Istaagtay Cabashada Bulshada Degan Bananka Xukumaddu Seeraha Ka Xidhayso
Hargeysa(Xogreebnews)Madaxweyne ku xigeenka Somaliland Cabdiraxmaan Saylici, Wasiirka Xannaanada Xoolaha Cabdi Aw-daahir, Wasiirka Degaanka Shukri X.Baandare iyo Odayga Somaliland Xaaji Cabdi Waraabe ayaa si adag uga hadlay Dadka diidan Seeraha Xukum