Warraaq Furran) Oo Ku Socota Wasaarada Arimaha Gudaha " Dareenka Baaqa Ah Ee Ka Soo Baxaya Tog-wajaalle:-
MAXAAN ARIN DAWLIS DHAW
MA DIIDO LA SOO QOR-QOREY
KU DAABACAN BAAL MADAW
KU DAAWADEY MEEL MADAW
WAXAAN DULLUC SII RIDNEYN
INDHUHU KU DARAAN-DAREEN.
M.IW.Hadraawi maansadii:- Daba-huwan.
Magaallada tog-wajaalle waa magaallo xudun u ah ganacsiga geeska-afrika, Waa meel muhiim u ah qarranka iyo ummadda JSL-ba, Meellahan oo kale waxa ay muddan yihiin naqshad ahaan iyo hagaajin ahaanba billic weyn oo u qalanta, Waayo waa muraayad wadanka qayb muhiim ah laga soo gallayo, Markaa waxay tabaysaa dadkeedii iyo garashadii xaga maamullka iyo masuulliyada magaallada waayo waxa ka muuqda dayac badan iyo dayaw ballaadhan oo dacal kasta uga dhacay.
Hadaba waxa aan dhambaal u diraynaa Wasaarada daakhilliga ee yadu maan-dheydka u leh degmooyinka in magaallada loo soo magacaabo dad wax badan fahansan, Oo garanaya iney meeshani tahay xudun iyo muraayad waddanka laga soo gallo oo u baahan in billic ahaan la dhiso lana ixtiraamo ummaddaha kala duwan ee adeega u imanaya, Lana soo dhaweeyo adeega intii dawladnimo loogu daro sida jided qurxoon, barxado lagu nasto iyo barrandayaal allaabaha la dhigto, Sidoo kale dad fahansan ujeedada shaqadiisu iney tahay nadiifin iyo qashin xaaqis ee aanu aheyn masuul siyaasiya.
Shalley ayaan safar ku gaadhey magaalladii oo bac iyo kartoon meel laga maro aaney jirin, Waana ayaan darro weyn in maamulka garanaya sida dhulka loo iibiyo ay tahli kari waayeen xashiish ururrinta, Waxa yadna xusid mudan maqaamka magaallo-nimo ee wajaalle oo hoos u sii dhacay taasi oo ay sabab u tahay curdin-nimada iyo caga-baradka maamulkeeda, Sida fahan la'aanta shaqadooda, Fahan la'aan xaga Deegaan-siyaasadeed oo udub-dhexaad u ah sal-dhiga wada noollaashaha bulsho, Fahan la'aan masuulliyadeed dhinaca maamullida degmo-xuduudeed waayo waxay lee dahay dhisid saaxiib-tinimo iyo jaar-wanaag wadanka dhaxal u noqda, Tusaale nool waxa u ah magaallada Tog-wajaalle qaybteeda Itoobiya sida ay tahay tayo ahaan iyo tamar ahaanba iyo waliba marrinada ay wax ku maarreeyaan, Waa marag morran ma doon ah.
Mar kaa bulshadan xoogsata ah ee ganacsiga u ban-baxdey ee xataa cabashada iyo xafiis tagista aan halleelayn yaan laga xanjarafeyn magaallada oo dhambaalkan waa iney dhuggataa Wasaarada Daakhilligu, Si arinta wax looga qabto. Tusaalle ahaan bartaa aan taagan nahay waa dhismihii cusbaa ee bangiga waxa hor tubbanina waa xashiish waliba intii ugu fayoobayd ayaan idiin muujiyey, Markaa fadlan ha la tix-galiyo magaallada iyo ganacsigeeda oo ha loo igmado dad ku qalabaysan nidaamka dawllad-nimada san iyo dawga horumarka kuwaasi oo ah aqoon-yahan meesha ka dhiga " Institution", Shaqaynaya.
Ugu danbayntii waxa aan kaga baxayaa dawladnimadu waxay u baahan tahay dhisid iyo quweyn sida magaallooyinka kale ee dalka oo ay Gabiley tusaalle u tahay, Markaa wasaaradu ha ixtiraanto ummadda ganacsanaysa iyo kuwa ay adeegga siinayaan ee wadanka jaarka ka imanaya, Oo magaalladan ha u soo igmadaan dad u qalma oo ummaddaasi u adeega oo aan noqon kuwa dhul ku mashquulla balse ku mashquulla magaallada bilicdeeda iyo ballaadhinteeda, Geesta kale ummadda odeyaal u noqda oo isku haya oo aan kala hayn, Waxna u duubban yihiin oon dawlladnimada anbad ka aheyn, Fadllan baaqan iyo bayaanka Wasaaradu ha ixtiraanto walliba waxa ka dhiman oon ka xishoonay arimo aan qorraal munaasib ku aheyn oo dawllad-nimadeena wiiqaya.
WA BILLAAHI.
Fiirro gaar ah :- Waa Darreen Bulsho Oon Cabiray Yagu Aaney Soo Gudbin Kareyn.
Qore: Cabdiraxmaan Sayid Faarax ( Jeesto)
Diplomatic Annalysis
Gabiley/Somaliland. Leave a comment |
|
Warraaq Furran) Oo Ku Socota Wasaarada Arimaha Gudaha " Dareenka Baaqa Ah Ee Ka Soo Baxaya Tog-wajaalle:-
MAXAAN ARIN DAWLIS DHAW MA DIIDO LA SOO QOR-QOREY KU DAABACAN BAAL MADAW KU DAAWADEY MEEL MADAW WAXAAN DULLUC SII RIDNEYN INDHUHU KU DARAAN-DAREEN. M.IW.Hadraawi maansadii:- Daba-huwan.