Hormuudka Jamacadda ALPHA University Cumar Cabdilahi Xassan oo ka War bixiyay socdaal uu ku tagay dalka Ethiopia.

Madaxa Diwan Hayaha Jamacadda Alpha University College ee xarunta Magaladda Hargeysa ayaa ka waramay socdaal shaqo oo uu ku tagay dalka Ethiopia, socdaalkaas oo qaatay muddo toban cisho ah, ayaa wuxuu kulamo iyo shirar la qaatay dhigiisa iyo madaxda jamacadda ALPHA ee dalka Ethiopia, iyo arday reer Somaliland ee dhigata jamacadda alpha oo markii hore dhigan jiray xarunta hargeysa lakiin u badashay, halkaas si ay aqoon tooda u sii wataan, jamacadda ALPHA oo ah mida ugu balaadhan jamacadda gaar loo leeyay ee ku yaala dalkaas Ethiopia isla markaan xarumo kala duwan ku leh daafaha aduunka.

Cumar Cabdilahi Xassan wuxuu kale oo sheegay in tiro arday ah oo scholar ship ah loo diri doono sanadkan dalalka Ethiopia, India, Turkey, iyo Maraykanka. Tiradan ardaydan ayaa dhan 18 arday iyo hal qof oo ka mida shaqaalaha jamacadda ALPHA xarunteeda hargeysa, wuxuuna sheegay in shuruudaha looga baahan yahay ay tahay inuu ardaygu uu yahay arday hore uga qalin jabiyay jamacadda ALPHA University College xarunteeda hargeysa, waxbarashadda bilaash ah (Scholarship) ee ardayda la siindoona waa mid ah heerka labaad (Master Program) waxayna iskugu jiraan shahaadooyinka caanka ah ee MBA (Project Management), MA (Accounting and Finance), MDS (Development Studies), MSc (Information Technology).

Deeqdan ayaa ah mid ay ugu talo gashay jamacadda ALPHA University College Ardaydii ka baxday sanadihii 2012, 2013, iyo 2014 inay helaan waxbarasho tayadeedu sarayso isla markaana ay bixinayaan jamacaddo ku kala yaala daafaha aduunka, si heerka aqoonta ee ardaydu ay u noqoto mid sare, deeqdan waxay ardaydu soo xaraysan doonan marka shuruudaheeda si dhamaystiran loogu baahiyo warbaahinta dalka.

Mudane Cumar Wuxuu mahad naq balaadhan u soo jeediyay maamulka guud ee jamacadda ALPHA

University oo dadaal balaadhan ugu jira horumarinta ardayda ku nool dalalka geeska Africa, waxa kale oo uu sheegay in jamacadda ALPHA University ay sanadkan ka qayb gali doonto shirka horumarinta dhaqaalaha Africa oo ay soo qaban qaabiyeen baanka aduunka, baanka horumarinta Africa, waxayna jamacadda alpha university noqondoonta jamacadda kaliya ee gaar loo leeyay ee ka socota dalalka Ethiopia, Djibouti, Somaliland, iyo Somalia.