|
|
|||||
Hal Abuuraha Iyo Qoraaga Siciid Maxamuud Gahayr Oo Gabay Ku Hal Qabsanaya Nadra Maxamed Jaamc Oo Xirsi Awoodiisa Ku Tijaabiyey Iyo Cabdiraxman Cabdiqaadir Oo Dhabarka Ka Lagaga Jabiyey Shirkii Xisbiga Kulmiye Ee Hore Curiyey.
0
Wednesday April 23, 2014 - 14:13:38 in Wararka by Super Admin
Dib-qallooc Waa gabay hiil u ah kuna halqabsanaya Nadra Maxamed Jaamac oo wasiir Xirsi isugu daray xadhig,gabay iyo cafis-beenaad. Cabdiraxmaan Cabdiqaaddir Faarax oo Dulmiye dhabarka jebiyay, waxa uu ka hadlayaa sad-bursiimada ay Beesha Dhexe ee Somaliland ku maroorsatay Madaxweynaha, Guddoomiyeyaasha Guurtida, Wakiilada iyo Maxkamadda Sare, Wasiirrada ugu shilis xukuumadda, taliyeyaasha booliska iyo qaranka. Wixii aynu Xamar ka diidnay 1960kii sidee beelaha kale inooga yeelaan? Ma sidaas ayaad aqoonsi ku rabtaan? Naw, waan la yaabbahay tolkay iiddoor iyo adeerkay Madaxweyne Siilaanyo Wuxuu
yidhi
Dahabooy Nadraay baadi-doon, waan ku deydeyaye Xasan Ganay duruustuu na baray, yaan mid soo dariye Lab haween u dooddiya misana, laba-dibleynaaya Ragannimadu deyrkay lahayd, waa ka dibad-yaale In dugaagga lagu biiriyaa, dhaanta derejayne Xadhigaagga waan dibin-jaboo, diiday gama’iiye Nin haween ku daabulay xabsigu, dacayda sii taagye Cudur-daar masuul daaddafshaa, maag ku soo daraye SOOLJAAY dabuubtaydan tebi, daw-bax loo simane Daljir Xaashi, Diric Boobohow, dararku waa foole Madal toosin talo-deeqaysaay, dunida gaadhsiiya Da’yar sharaf leh, dumar dhawrsanow, deexdu waa bilawe Dawi Cali-gurow, dooddan qaran, daaji baro khayr leh Iidow haddaan duro nin goba, ha igu deyn beene Dul-ka-hoor gu’gii shuuxay bay, heego daba-taalle Diillintii xanaaq baa ka dhacay, degel Guwaantaame Dafka siidhi-wade yoomiyaan, laad ku deyayaaye Darbaddayda gool-wade ku dhegi, dooddu may garane Dulmi-soore, deelqaafku falay, gelinnay diiwaane Dermadii markuu seexiyee, daawi xero-keenay Doobbigoo sinnaan loo cushuu, raadshay dulucdiiye Dudduucii laf-dhabartaa “baf” tidhi, doogo-kicintiiye Diyaarado judhii loo dalbaday, Dubay la aadsiiye Duqayntii, dubaaqiisu diid, debecna raadceeye Cabdiqaaddir duubiga ciddii, damaqday waa xay’e Ma-naxii ku doorsaday hunguri, waynu dabaynnaaye Daba-dhilif qofkii lagu suntaan, dooddu garanayne Dulmi-soore, deelqaafku falay, gelinnay diiwaane Barde duurka nala joogay amin, Duurray iyo Qaaxo Dugayeeyda, milaygay darnayd, muu dalxiis bixine Dila iyo Wajaalay heshiis, qalin ku-duugeene Danankiyo rasaastay Berbera, kala dullaameene Togdheer maalintii laysku duray, waydun demiseene Cabdiyow dedaalkaaga libin, duunku wuu qoraye Dildillaac, dannuu kaa xigsaday, hanad la diirtaaye Docdocayn, dul-dhaaf iyo dab kulul, deebin lagu qoolye Daraygiyo Ilaah baan ku dhigin, dooyo quudhsiya’e Seylici damiirkii hagaan, dooddu garanayne Dixi iyo dareen igu masaal, dalagga xoolaaye RRU durduro-dhiig waddaa, ha i dawaarsheene Sidan ahay dur iyo daabac qori, ha igu duudsiyo’e Iyagoo degaankiyo ka siman, diinta iyo xeerka Iyagoo dan-guud wada-jiroo, daawo wada qaatay Burco hanadka daamaha ka dhigay, dooddu may garane Guuleed qabtii laguu dallacay, dooddu may garane Dulmi-soore, deelqaafku falay, gelinnay diiwaane Gashaantida adoon dadab la gelin, guurna meher doonin Reer Daammi, waa wada digtoor, daacad aan hubo’e Dirindiirba waan naaxinnaa, maandhe deriskeenne Dable iyo adeerow, xil-deri, daw umuu noqone Derejiyo wasiir way geyaan, doorna may heline Dirsoocii wax loo xoojiyaan, dooddu garanayne Halka Daakir laga raacaybaan, dooddu garanayne Dulmi-soore, deelqaafku falay, gelinnay diiwaane Dunji Selello waa kaas dafiray, Soolna darayeeye Docdocayn Sanaag-bari haddoo, daymo-nacab eegye Widwidh, Keyse waxay daawadaan, daallin jeedalaye Duub-weyne, Golihii duqiyo, daar wakiillada ah Damallada garsoorkiyo dhammaan, dookh la magacaabo Dibaddiyo gudaa, maalka-daye, taliyeyaal dooran Yaa dulin ka dhigay Beesha Dhexe, dooddu may garane Adigoon debbelin kaartadaad, Doollow uga baydhay Ictiraaf la doondoonayaan, dunidu yeelayne Khaatumo maxay diiddanyiin, dooddu may garane? Yaa dilay Kalshaaloo berkado, duullan ku xigsiiyay? Uurbeyte yaa dooliyoo, dabada riixaayay? Yaa quudhsi darafyada la jecel, dooddu may garane Yaa dacaarka keligii hadhsaday, dooddu may garane Yaa dalbaday harraad aan wacnayn, dooddu may garane Dulmi-soore, deelqaafku falay, gelinnay diiwaane “Dalkeennii wada fadhida”, doobta lagu reenye Dambarkeeda maatida lahayd, looma daro dhiile Shaqallena daliilkuu cuskaday, way daciif jabane Nacnacow agoontaa dulmani, way ku deyayaayne Adaa dirir leh illaa Stii, deeqna noo hura’e Sahal baa dembaaboo qabruu, hoos u daaddegaye Magaan duubtay, doorkiisibaa, duunyadii gura’e Doxor qadiyay, gaarida dayacan, dooddu may garane Dulmi-soore, deelqaafku falay, gelinnay diiwaane Dameer ciyay, Iblays buu dalcado, daaqad ka arkaaye Waxa diig la qaaqinahayaa, daa’iraan jirine Nin deyaysan waa loo fasaxay, inu dannaagaaye Darandoorshe naasnaasinbaa, looga digayaaye Daauus Qurxoonow xaraggo, duugtay quruxdiiye In haweenka loo duurxulaa, way na damaqdaaye Dumar kula salleellaa nin ragi, mirir ma diirteene Waa hooyo ii diir-naxdoo, ii dareen-nugule Waa beerta dallageedu yahay, doombir aadmiya’e Quddahaagu daardaar doc aan, loo durkeen amine Waa darkii codeeyee ka qaday, dabaqay moorsheene Shoolli-boolli daadduunsan baan, dooddu garanayne Dulmi-soore, deelqaafku falay, gelinnay diiwaane Dannood ma aha suugaantu dhure, lagu danqaaraaye Dacwadaha abwaankii tirshaan, xaal u diraynnaaye Diniiqow Salaan muu ahayn, goof dununuuca’e Deex Fadal, Dirkii Kaahinbaa, dooxay sharaftiiye Afartaasi Deelleyda shidan, diirin waw tahaye Diir Geeddi furay raaciyoo, waa digniin-celine “Soo-daata” deex Jaamac bay, dulucda xoogayne Dib-qallooc Siciid waa u marag, “daallin” aan rabine Eeggana kun daannaan Nadraay, daah-ka-rogayaaye Darraatoole Liibiya tahriib, dool-yar suudale’e Imakaabay doonyuhu rarmaan, daabul Yurubeede Daan iyo qadhiidh iyo cantuug, waw darsanaynaaye Imakaaba diir lagu salliday, duuggi noo hadhaye Eexdoo dalluun lagu ribdhaa, dawlad loo yahaye Imakaa dirsoociyo fajida, loo dabbbaal-degaye Daribtiyo, darkeennii galool, wuu dubaaxsadaye Imakaabu dabaq jeexayaa, diradiraaluhuye “Dooh” iyo idmane aan la barin, dooji shacabkeennu Imakaabu duuflaal amraa, daar maxkamadeede Eeggana kun daannaan Nadraay, daah-ka-rogayaaye Ducadiyo wanaaggii dheg-jaan, uma daloolaane Imakaa inkaartuu dalbaday, lagu dannookhayne Daacuun hadduu korodhsi yahay, daacadkiba eedye Imakaanu diidmada qayaxan, boodhka daraynnaaye “Digsi iyo anaa diric ka celin, doollar iyo moodba” Dubaaqaygu saadaashi gunud, maan ahayn doqone Kobtuu degay, damiirkaagi shalay, dooddu may garane Danab Taanni, Seemaal darteed, duudka loo qabaye Dallacaad waxaa helay wax-garad, “Soo dilaay” yidhiye Digreetadan xujada loo cuskaday, dooddu may garane Jidhifow diyaar waxad u tahay, daajin iyo nuure Dugsi iyo dhab-sheeg noqotay hanad, aan qarweyn duhure Dayr qudha adoon talinnin-baa, danab collowdeene Dibindaabyaad geysataan, dooddu garanayne Dayac-biin xilqaad maalintii, Boobe lala doontay "An tashado" dabuubtii ahayd, daray ku dhaafsiiye “Dawadiisa anigaa hayoo, duuddubkii liqiye” Durujuugga kama sii war hayn, daaqa kaymaha'e Degdeg loogu magacaw Horyaal, Baashe daashadaye Wax dardaarankii lagu aflaxay, duudsi inankaase Dulinkiyo qaniinkii ku kacay, “daaya” may farine Daba-maridda weriyaha yaqiin, waa dallacayaaye Sayid maagga lama daarayoo, waan dugsanaynnaaye Durba Cumar u dhaadhiciya hoos, dawgi laga boodye Deeqsow galkaa Khadar Calaan, kaaga doorbidaye Guudcaddow ku durug kaalintaas, duub-hayaad tahaye Duryan iyo dar weeyaan halgamay, Xoorna deris weeye Duqii loo codeeyaan ka talin, dabinnaadaas jaane Nabankii shirqoolkaas dedaa, doobbi loo culiye Yaa doorshay Madaxweynihii, uunku wada-doortay? Eeggana kun daannaan Nadraay, daah-ka-rogayaaye Gebiley dalkeennay u tahay, door-labkii gobole Denbigii Jamaal geystayee, Caabudla’da deyray “Dooh” iyo Burcaa lagaga yidhi, daakhil haw geline Daryeelkii agoontay rabtiyo, diir-naxaad gacale Daartii Culuumaha baddana, duudsiyaa dhacaye Deelqaaf Marxuumkuna ma geyo, iil-dugsanayaaye ODHA daad u gala baa haddeer, loo dig leeyahaye Faysal liidka noo soo durow, diinnarkaad mudane Luuley dunuubaha ku helay, ee derbigu qoomay Waa inaad dirkii tahay Mataan, daynabshaa UCIDE Daljirradu halkay qoon dhagreen, dooddu may garane Eeggana kun daannaan Nadraay, daah-ka-rogayaaye Waxa Qabille loo daamurshaan, dooddu garanayne Wax bariido kaba looga diday, dooddu may garane DakanadaJAMHUURIGU ku kacay , dooddu may garane “DAMAL waa fadhiid” geesi yidhi, dooddu may garane NASIYEna adduun lagu dagdhabay, dooddu may garane Daadduunka RAYS yaa jeclaa, dooddu may garane Dabargooye dhitaduu jaqana, dooddu may garane BADBAADANA wax daaddeys ku horay, dooddu may garane NDB darraabay hadhee, dooddu may garane “Danqaabeeya UDHIS waa bursayn”, dooddu may garane Eeggana kun daannaan Nadraay, daah-ka-rogayaaye Cashuuraha markaad doonayseen, deex-san baad tidhiye Adaa deyday nagu raadshayoo, noo dus-yimi hiire Diintiyo wadaadkow kitaab, “daalacaan” idhiye Bareyaasha sabab loo dayaco, dooddu may garane Eeggana kun daannaan Nadraay, daah-ka-rogayaaye Gabbooseba dharaar xaal degdega, raalli naga doonye Dimuqraaddinnimadii la aas, Jaalle kuu dilaye Dibirradu Qaddaafay hoddoo, dala’sigii nuugye Wax-ka-daye cagaa duulki Gedo, loo darxumo-waabye Jihaadkiba agoontuu daldalay, daaciyaa qubaye Mahatiir cidbaa dacal-dhigtiyo, Neelsankii dumaye Dabcigiisa waxa dhaadi jiray, daal ninkii badaye Dirirtii shahiidkiyo wacdaro, lagama daaheene Isagoo dayacay oo Tubeec, diifna ugu ciidmin Muqdishiyo dunteedii xabaal, kulama doodeene Daljir Muuse, diricyaal xusloo, Qaybe ugu dooryay “Digashada ku aasaay xabaal”, muu darbeen boqole “Waa digreeto ereygiisu culus, meydna deydeyiye Noolaha ilbaa loo dabaa, dabin-ka-boodkiiye Yar kalaan u doorbiday qoraal, inu duxaystaaye Adoon doonin maamuus Gaheyr, docashadaas keydi “Iigama dartee keen” ku idhi, erey-daleeleede “Axaddii darbaa geeyay meel, duudyadii Herere Isniintiiba duri baa ku dhacay, waa duq aan kicine Darka waad u helaysaa kanshee, kaadso doobyahaw’e Mujaahide “daf” yidhi bay xafiis, xaynna daaddihine Saakana anaan dool ku tegin, daba-dhiggaygiiye” Dibnihiisa kama gaabiyeen, Xaajigaa dirane Cirro iyo Aqoonyahan debbere, diidmadii Xarafe Waxba yaanu goortaan “dug” dhaho, dogobyo ii qiijin! Dal-mideeyee, hooyada dihdee, Jeedna lagu duugay Tacsi daaf geddii uu ku dhacay, diid dhambaal gacale Ma deyrsheen inuu tago xabaal, danab Tallaabiiye “Docdi Saqadhi naga awdi jiray, duufannaa imane” Waa loo darsanayaa bilays”, duurxulkiyo oohin Darayiyo jirroo wada dugsaday, lama daryeelayne Dubay maalin lagu aasaybaaad, deeqo fidisaaye Danjiruhu fartuu taagay milay, daambas sama-doone Baroortaadu way ii dambayn, diiqo oohininye Shirqoollada digtaatoor ku kaco, dooddu may garane Afartaasi Deelleyda shidan, diirin waw tahaye Diir Geeddi furay raaciyoo, waa digniin-celine “Soo-daata” deex Jaamac bay, dulucda xoogayne Dib-qallooc Siciid waa u marag, “daallin” aan rabine Diblomaasi gaabsaday kal hore, doocan laga yaabye Dardartiisa odaygaan ka ledin, duubay golihiiye Duudduub Hargeysada liqdee, darayga loo sheelay Dulinkay liqeenbaa biyaha, deecankii tiraye Dabataxan hubsiimada hadday, dib u jalleecaane Dhalanteedki dagay reer Saraar, saaka dabi-waaye Daadmadheedhna waa feejignaa, daymo aarluhuye Dalka Gubadle waa keenadiid, diricyo waaweyne Dabcigooda waatuu fasiray, HAWD la daahfuraye Doondoon UGAASkay naceen, baaqyo dawgala’e Dhaqankii Gandaa way dadeen, jooga Diridhaabe Dabkii Seylac, qiiq aan la demin, Duur la sii geliye Dun-wacnaanta garashada cilmiga, lagu daryeelaayo Hadal dalab-li’, dagi maayo Adal, wiil ka dabayowe Dabbaal maaha REER SAAXILKAA, lagu durraaqshaaye Duri Maakhir loo sii wanjalay, loo dareen-celiye Derbiyada SANAAG ruux yaqaan, uma dullaameene Baradii DUCAALEE midnimo, loo dardaar-weriyay Shanwejiile ii dabamaraan, diracna yeelayne Isagoo afkii deyshay buu, dhiig dafirayaaye Dusduskii Madaarkiyo findhicil, daammur lagu qooshay “Waa dacaayad” baa lagu kaftamay, duulis faashiliye Eeggana dariiqyada arliga, daanno loo boqorye Dillaalow gabyaa aamusnaa, waa dalayn jigire CHINA HORN dubaalado gankeed, dawlis ugu dheere “Soo daaddah, dibaddiina baro, doobbiyada fuuqso” Ayaxyada dawaafiyo ma-naxe, deegantii cune’e Dameerkuba hallayntuu u jaqo, dooddu way garane Dugdugluhu halkuu quusiyee, dakharka gaadhsiiyay Daneystuhu kob naafowdaybuu, daawo kuu bidaye Digtoor Maxamed Biixow ma nihin, dowlad-goboleede Daarraanta halakaysay waa, kuman danqaaboode SHAFIIL iyo dayaan caawiyaan, daaqad ka arkaaye Dabiib inad tay faraj aan debcayn, dooddu way garane Dhaaxaan SNM diif u maray, keymo duur xidhaye Diiwaanka inad tahay HALGAME, diibyow maan qarine Haddii ay darmaannadu ordaan, waad dul-maraysaaye Durro taalla, deegaanka bari, dooc kamaad qabine Buuhoodle duullaan hubeed, deeddan lagu jiidhye Cayn-daacshe, daabbado sharbaad, digo-rogtaysaaye Sidaad laanta ula dirirtay baa, daalacdoo hiriye Inaad tahay halyeygii Dumbuluq, dooddu way garane Maansada digniinta ah hadduu, daba-qallooc dheehday Dabuubtii Wasiirkii Cirrana, duunku muu lumine Ingiriiska didayaa bilaash, nooma durahayne Adigay dareen kaa qabaan, kaana didayaane Ninka Diinta madax looga dhigay, duurxul lagu maagye Danta guud, masuul doorranbay, diirad ku arkeene Shidaal dihin islaam doonayoo, dooxa maan arage GENEL ENERGY degelkii ka baxe, duure orodkiiye Daawada bahdaad qaadateen, ii dubuuro ahe Dulucdaad ka leedahay haddaan, dooxo ubucdaada Duunyada waxay bixinayaan, diinarkii hodise Durbaannada halhayskoodu waa, doolitaan kale’e Dugsi Xalane way barabaxsheen, waanan dibad-aalle Dersiguu dhallaankeenna baray, maydun daanqabane Dugaag iyo midkuu yahay daryeel, dooddu may garane Maansada digniinta ah hadduu, daba-qallooc dheehday Dubbahaygu wuxuu saaran yahay, dirawal-jiifkiiye Waa daw inaad gole ka tidhi “daacad baw kacaye” Damiir togan hadduu leeyahoo, digigixoonaayo Deelqaaf hablaa loo tigtigay, kuguma daayeene HUBAAL wacan dalluun uma qodeen, aare loo diraye HORN CABLE duhur muu xidheen, aan digniin qabine Ma durqeen gob UNIVERSAL aan, doogta qabanayne Durba HAATUF, darandoorri xadhig, lama dibleeyeene Dulqaad-yaridu waa boog haddaan, la igu diidayne Deggenaantu waw fararl ninkii, doona heersare’e Hanjabaaddu waxay diirisaa, doobka miiggane’e Annagoon “na daa” iyo ku odhan, “waanu didaynnaaba” Dunbuqaaga huunnow cabbee, deero maan nihiye Sanka caano kii daadiyee, siinna laga duufsho Waxa daaha laga qaadayaa, doorashada taalle Maansada digniinta ah hadduu, daba-qallooc dheehday Durduradu haray kuu ahayd, laga durduurtaaye Daballaab adaa qaadan jiray, diilalyada baase Fara-taagga labanlaab duddubi, way ku dararaane Daadkiyo gudgudahaad furtaa, la is dabbaalsiine Dalqo iyo hungurigaad xustaa, dood na soo faraye Dawankaaga nagu soo afuuf, GEESKI muu dumine Dugsi YOOL ah, dacallada OGAAL, FOORE darafkiisa Darka HIMILO, deel SAXAFI qoro, ii dabayl ladane Maansada digniinta ah hadduu, daba-qallooc dheehday Dambaabidhe hoggaankii igmaday, waa ka sii daraye Gabbal-dumay, UFTII lagu duryamay, diririgtii yaabka Daabaqad ninkii uu hafraa, daabcad maamula’e Siciidkii “Iblays duuli” yidhi, lama dulleysteene Ma debceen ninkii mawqif lihi, mana dulloobeene Xilkas dooja uurkow il-duuf, kuu darleef dhalaye Qosolkiyo dayaankii Landhani, way ku degayeene Dulmiyow na soo dhaaf haddaan, daabac qoraynnaaye “Soo daata”, duudsiga jiraa, waa dirqiyayaaye Kibir ruuxa daanshoonayow, didibsigaa roone Daruuruhu huq bay hoorayaan, waabay da’aysaaye Dabka baxaya, daawaan kor-dhigay, dubaya faaf-reebe Diinkaba halkii loogu shiray, Daayinkaa jiraye Daaraha Nadwiyo xoonku waa, kala-dareerkiiye Dildillaacu waa faraj inaad, kala dawaaftaane Didib-saydh, daboolane qarxiyo, doobir baa curane Dhul-gariir malaayiin didmiyo, daalac ii maqane Dabiib waa u haynnaa dudmiyo, dhaawac daba yaalle Dagaar iyo anoon fuulin laxo, daallallana eegin Dabooliyo anoon eegin cirir, dirirna faallaynnin Marmar baan dirkii Qaasin ahay, Xaashi danabkiiye Daljir Muuminkii bay xigto ah, idil Daraawiishe Daymoodaa saadaal leh mahad, duugga la arkeeye! Afartaasi Deelleyda shidan, diirin waw tahaye Diir Geeddi furay raaciyoo, waa digniin-celine “Soo-daata” deex Jaamac bay, dulucda xoogayne Gunaad iyo dabuubtii Dhakay, daba-gucleysaaye Dib-qallooc Siciid waa u marag, “daallin” aan rabine Dabadaa Cigaalow dhulkuu, doollin-raac yimiye Cabdiyow nin sharaftaada deyay, derejo maan siine Duhur niman ku maamuusi jirin, Daahir moogganiye “Is-difaaca waa duullan-qaad, dawlad Tuur lihiye Dekeddii col doolalayaa, doonyihii rara’e Ila daawo, geriyada is-daray, diihalkay dhiciye Hadba diifi kay saaran tahay, diide waa magane Daandaansigii soohdintay, dacallo jiidheene” Doorsoome guurtidu kolkii, daaddahshuu baxaye Daandaame laga quusaybaa, daalka jiifsadaye Diirkiyo ushuu kala qalaa, foolashii daba’e Ma yaqaan “is-daayiyo” marnaba, “didibso Sheekhowe” Iyagoon daraasaynninbuu, daaf ku furayaaye Deecaanka milayguu ku hudhay, daw Garadag maalin Dirxigii qadhmuunkiyo na baray, daafaddiyo buubku Duubkiyo Suldaankii Goluu, daabcaddii ramiye Imakuu dariiquu ku lumay, nooga digayaaye Damiir yeelay maantoo hadduu, naga dibboodaaye Dixi goosay, dacaskii aftida, kii “dunshaay” dhahaye Dalqad cay ah kii qaatay deeb, yaan daroo nahaye Dagaariyo hadday noo sunteen, awr daboole ahe ASARDIYO Dilaa lagaa dhaxlaa, deriska liibaane Hadba kii dubaaq nool qarnigan, waan ku dayannaaye Daawiyo Sanaag waan lahayn, diir walaalnimo’e Dubku wuu naxayaa jidkay, darayo haysaaye Sallaxley dariiqoo qabyo ah, DAWCAD bacadaysan Oodweyne damalkii wadwaday, diiray wadartiiye Diric iyo laf-dhabar Hawd u kacay, duufsay oo lumiye Dawarada haddaan loo sinnayn, waa daciifnimo’e Duwashada Dhakool iyo Fadhigu, waa dan iyo xeele Kalabaydhba maan diiddanayn, diif-tir waajiba’e Dinnaahaagan meel qudhi Xirsow, daw umay heline Dib-qallooc cartamayaa tacsuu, kuu daldalayaaye Dawan Mey wax loo duufsadaan, dooddu garanayne Dalqad cay ah kii qaatay deeb, yaan daroo nahaye Dib-qallooc cartamayaa tacsuu, kuu daldalayaaye Daawada Gurguuraan haddeer, dooddu may garanayne Ictiraafka noo yara dib-dhiga, dooddu may garane Diblamaasi dhuuntuu ahaa, dayradii shalaye Guddi aan KULMIYE daari karin, dooddu may garane Dhagaxyada la daadinahayaan, dooddu garanaye Dabadheer kol laga doogayaan, dooddu garanayne Daad-wararac ay naadiyeen, dooddu may garane Diiwaan waxyeellada lunshiyo, duun waxqabad sheegta Is-ammaanku duri buu ahaa, moogse duulkaniye Karaash iyo Galaydh duub u xidhay, waa la daawadaye Daandaansigii REER TALEEX, dooddu may garane Daanyeer tafiirtii ma nihin, Daarwin-aragtiine Diiwaannadii Gaannibaan, daalacdaa weliye Manhajyada daleeddiyo ka yimi, Daarfur iyo Keenya Dalka iyo dhulkaygaa dhunkaal, lagu durduurtaaye Dergad qurux leh waxa iiga wacan, doojin ubaxeede Haddii xididku uu dararsan yahay, dogobsan-waa ciine Dirhamkuu Sucuudigu baxshaa, wuu i dagayaaye Reer Dubay qorshay talo-galeen, la igu doorshaaye Anigoo an daldaloolinbaa, lay dafirayaaye Af-qalaad darbaa faral ka dhigay, dhaladna daadduunye Diintiyo Af-Soomaaligii, way dulmiyayaane Wax tacliinta duummaynaan, dooddu garanayne Dedaal bay shacbigu muujiyeen, nuuryo aan demine Dugsi qaran daruur geeriyuu, dirir u hooraaye Kobta laga dildila-raacaybaan, dooddu garanayne Cidda dhuugga daanshood ku tidhi, dooddu may garane Dalqad cay ah kii qaatay deeb, yaan daroo nahaye Dib-qallooc cartamayaa tacsuu, kuu daldalayaaye Duqa waagi ay toosiyeen, darawalkii seexday Cid labaatan kuman doollariyo, duunyo tidhi “qaado” Dalabyada Hargeysoon nacdeen, daafac laga waayin Doqorshey abwaan jooga nool, loo dalaandaliye Sirdoonnada ciddii doona tidhi, dooddu may garane “Daallinow na soo dhaaf” Rashiid, yaa dafkii tumaye Deegaan Qaboojaa la faray, duullankaa celiye Ilkajiir daraasiin gujo ah, loo deg xero-baase Dhako waa difaacyahan khatara, daabbad weerara’e Dhexda waa u danabkii ciyaar, heegan dacalkaaye Darandoorri ceebo ah, rug baa looga soo diraye Reer DIINI goortay dhasheen, dooddu may garine Cadnaanow kolkaad dunida timi, waan dabbaal-degaye Ma darjiidhin, deelqaafna ceeb, dawna maan lumine Duudsiga Allaan igu ogeyn, diin Islaamnimo’e Sida Sheekha daakira runtaan, doobta soo ridane Dallacaadna waan heli haddii, Daayinkeen dhigaye Eeggaan dardaar-fulinayaa, deexdi aabbahaye Dugsoonbaad ii kaalin-galay, daymo-faraxeede Dooxatada waqaan fiiriyee, eegga waa dirire Maxamuud siduu ii dugsiyay, waan ku daaddihine Dadweynuhu waxay ii xidheen, duub IMAAMNIMO’E Halkii Gaarriyaan doonayaa, daahfur iyo weedhe Diintana awoowaa i faray, Dirir lammaanayne UDUBtii Cigaal daaray baan, iil ka deyayaaye Duruus-dhigid CAMUUD waan masayn, dawyadaa MAHADE Runta sida DARWIISHkaan u noqon, maanta dabadeede Haddaan MUUSE dacaw weyd ka dhigin, waa dirkii Herere Maroodigu bilaash kuma didee, deyntu way imane Daalacuu tolkeen qaataybaan, doobbiyaal qubiye Dibadow tol waad leedahoo, deeqi way imane Duurxulkaygu weli muu idlaan, deelki maansadu’e Duco maalintaan kuu wan-qalo, waan dubbayn nacabe Aabow Duxaa iyo Baqraan, kuu dammaan-qaliye Derbi kuu ayeeyii ma jabo, hooyo daacadiye Dersin iyo midh baa ku eddo ah, duul dhabeelo ah Toddobaan walaal door ahoo, kuu adeer dihane Dalas-aad, dal-jooggoo dhan baa, doobir kuu xidhaye Ifka daaddah, dayacnaantu YUUR, Daayinkaa jira’e Degelkaagu nabad kuu ahaa, Daayinkaa jira’e Duufaan colaadeed ma dhaco, Daayinkaa jira’e |
|
||||
Hal Abuuraha Iyo Qoraaga Siciid Maxamuud Gahayr Oo Gabay Ku Hal Qabsanaya Nadra Maxamed Jaamc Oo Xirsi Awoodiisa Ku Tijaabiyey Iyo Cabdiraxman Cabdiqaadir Oo Dhabarka Ka Lagaga Jabiyey Shirkii Xisbiga Kulmiye Ee Hore Curiyey.
Dib-qallooc Waa gabay hiil u ah kuna halqabsanaya Nadra Maxamed Jaamac oo wasiir Xirsi isugu daray xadhig,gabay iyo cafis-beenaad. Cabdiraxmaan Cabdiqaaddir Faarax oo Dulmiye dhabarka jebiyay, waxa uu ka hadlayaa sad-bursiimada ay Beesha Dhexe ee Som