|
|
|||||
Maansadan Waxa Aan Kaga Jawaabayaa Gabygii Xirsi By Mingiste
0
Monday April 22, 2013 - 19:19:18 in Maqaallo by Super Admin
Abdi M.Saleiman(Mingiste)
Maansadan Waxa Aan Kaga Jawaabayaa Gabygii Xirsi By Mingiste
Maansadan waxaa kaga jawaabayaa Deelaydii uu sso diray Wasiirka madaxtooyada,maansadan waxaa la yidhaahdaa « Dambaskaa ma eegnaa —Dab inuu ku hoos jiro » Abdi M.Saleiman(Mingiste) Waxay Tidhi :- Salaan diiran oo wacan Shacabkaan u dirayaa Doonyaystay Go,aygii Duug weeye gabayadu Oo dura yaa la tirin jiray Maansadaa deg degaysoo Dadku aad u jecelyee Iyadaba ma diranaa ? Ilka jiir ku soo durug. Waxaan uga danleeyahay Dambaskaa ma eegnaa Dab inuu ku hoosjiro. Ilka jiirna waa danab Abwaan diiran weeyaan Bulshaduu u doodaa Dadku ugu horeeyaa Qaar jacayl dubeeyiyo Qaar quruumo dilayaan Isagaa daweeyoo Suugaan daweyn buu Diiqada u siiyaa Dadkuna waa yaqaanaan. Ilka jiir ku soo durug Waxaan uga dan leeyahay Dambaskaa ma eegnaa Dab inuu ku hoos jiro. daleeydan curatiyo Shaxdan damalka taalee Ee Wasiirku soo diray Anigaa godkaa degay Ii doonan kaasina Ilka jiir ku soo durug Waxaan uga danleeyahay Dambaskaa ma eegnaa Dab inuu ku hoos jiro. Abwaan deeqsiyaa yidhi :- « Maansooy nin kugu duul,Ninna maalin kugu dood,Ninna derejo kaa dhigay,Ninna dhuuni kugu doon,Ninna nabarka kugu damaq,Ninna dakharka kugu dhayay,Ninna doogta kugu kici,Ninna waranka kugu demi,Ninna nabadda kugu didi,Ninna belada kugu deyr,Ninna dookha caashaqa,Kaa dhigay def loo tumo,Oo ka doorkan joogiyo,Dura gabayadii jiray,Intuu heesta kugu daro,Jaceyl kugu dalaandali,Marna darayamuus iyo,Dhaclihii dunta ahaa,Aduu kuu direys yahay,Dumar kugu buraanbure Raboow Daarta aakhriyo Naxariistaada u deeq-Aamiin. « Abwaan kalaa ka daba yidhi » Haddii aan damiirkiyoDareenkaygu ii dirinOon dulmiga ikoray iyoXume lagula diriraynXaqna lagu difaacaynDaabacaadda suugaanWaa ila daldalanooDeelleyda kama heloDacarteed wax kuma faloDibnahayga uma furoDooddeedu way halis!. Dabci waxaan u leeyahayHaddii laygu dilayanaRunta daah ma galiyooKama doorto beentooAllaa deeqa bixiyeeSida ducufta qaarkoodDoolar kuma gorgoriyooDarajada ay leedahayBaahidayda kuma dilo!. Ikla Jiir ku soo durug Waxaan uga danleeyahay Dambaskaa ma eegnaa Dab inuu ku hoos jiro. Deelaydii gaabneyd hanjabadii daboolayd hadalkii dahaadhnaa ee Wasiirku soo diray Degmadaan ku noolaa Markuu Sheekhu daakiray Docdaa Bari ka timidoo Dhamaan Daan ciroolaha Inta madaxu deeb yahay Iyo duqayda reeraha Dumarkiyo caruurtii Dadku way la yaabeen Dar waxay yidhaadeen Shareecihii la duugaa Deelaydan tirin jiray Dar waxay yidhaahdeen Waa suugaan dukaan tiil Oo Dllar buu ku iibsaday Darna waxay yidhaahdeen Deyn buu ku soo helay Darna waxay yidhaahdeen Sowdigii doraataba Duleedkeeda Caynaba Dusha qoriga saaree Yidhi maan dagaalamo Ee jeel laguu diray Waxaad diidaneyd sheeg ? Darna waxay yidhaahdeen. Dalka horumarkiisuyo Shirarkii doceediyo Dowlad baan sugaynee Maxaa keenay Deeleey dig dig baa la wada yidhi Aniguna docdaydii Daankaan gacantaa saaroo Dakharkaa mar kugu dhacay Dareen baan ka qaado Doodanaan ka soo diray Ilka jiir ku soo durug Waxaan uga dan leeyahay Dambaskaa ee ma eegaa Dab inoo ku hoos jiro. Duqu waa adeerkii Dalacaad buu siiyo Derejo iyo xil buu sudhay Dan jir gaara weeyaan Dalka wuu la joogaa Wuu daadeheeyaa Dibaduu u raacaa Wuu soo dalxiisaa Allaa deeqda bixiyee Waa inuu difaacaa oo dow buu leeyahay ha igu diidin adiguna doodayda ila garo. Ilka jiir ku soo durug Waxaan uga danleeyahay Dambaskaa ma eega Dab in uu ku hoos jire. Dowladnimadu maahee Dadka maad u sheegtaan. Cadaaladoo la duugiyo. Qabiil loo durbaan tumo Dumarkoo la xidho iyo Da yartoo la laayiyo Doorashadoo la boobiyo Warqadahoo la daadshiyo Deeqahoo la xaday iyo Danyartoo la dhacayo Dollarkoo la qaatiyo Daarahoo la iibsado Hantidoo la duugtiyo Musuqoo la doorbido Dowladnimadu ma ahee Dadka maa u sheegtaan Ikla jiir ku soo durug Waxan uga danleeyahay Dambaskaa ma eegnaa Dab inuu ku hoos jiro Dawladnimadu waxay tahay Dadka mow iftiinshaa :- Diintoow quweyniyo Dadkoo midoobiyo Citiraaf la dooniyo Dooxoo la xidhiyo Daadka oo la moosiyo Dowladnimadu waxay tahay Dalagoo la beertaa. Dowladnimadu waxay tahay. Cadaaladoo la doonaa Dacwadahoo la eegoo Dadku ay u siman yihiin Nina daarta aakhiro Dembi ilayn ma dhaafee. Dowladnimadu waxay tahay Daryeel caafimaad iyo Wadadoo la dayac tiro Dugsiyadoo la aadiyo Duruustoo la qaataa. Dowladnimadu waxay tahay Golayaashii la doortee Howshooda loo diray Idinkuna u daysaan Deg deg in ay u fuliyaan Xeerar diiran oo waxan Dadka iyo dalkaba dhaqa. Dowladnimadu waa sharaf Danta guud oo la eegiyo Derajo iyo xil weeyaan Ninna diric ahaantii Uma doodi karayoo Dalka waa la wada leeyoo. Dadkuna uu u siman yahay Ilka jiir ku soo durug Hadal iyo duxdiisii Waxaan dooda uga baxay Oo daaha ugu rugay Maansadaa daleeydaa Deg deg baan ku qorayoo Deelqaaf hadduu jiro Debi dhaaf Allaa lehe Dood baan ka leeyaahay Mahadsanid Dhamaad |
|
||||
Maansadan Waxa Aan Kaga Jawaabayaa Gabygii Xirsi By Mingiste
Abdi M.Saleiman(Mingiste)