|
|
|||||
Aan idinla wadaago xikmadihii qaar ka mid ah Caalamkii weynaa ee Shiikh Axmed Diidaa, Alle ha u naxariistee
0
Wednesday July 21, 2021 - 21:10:30 in Wararka by Super Admin
Aan idinla wadaago xikmadihii qaar ka mid ah Caalamkii weynaa ee Shiikh Axmed Diidaa, Alle ha u naxariistee
1: "Qofna markii uu dhalanayay ma uu dooran midabkiisa, nasabkiisa, hantidiisa iyo cidda uu noqonayo ee haddii aadan abuurka alle ixtiraamayn, abuuraha ixtiraam"
2: "Cadowga ugu weyn ee Islaamku waa muslimka jaahilka ah, kaas oo xanaaqiisa iyo xamaasadiisa ku samaynaya falalka sumcad-darro u soo jiidaya Islaamka, dadka kalena marka ay arkaan waxa ay moodayaan inuu Islaamku yahay isaga oo kale yahay.”
3: "Anigu Muslim baan ahay, Islaamnimaduna waa diin dhamaystiran; laakiin, anigu ma ihi insaan dhammaystiran. Haddii aan gef ku dhaco Islaamka ha canaananina, ee aniga i canaanta.”
4: "Qofka gudaha ka wasakhaysani, ma suuraysto in ay jiraan dad wanaagsani.”
5: "Dadka kuwa ugu dhaqanka xumi, waa kuwa marka ay kaa cadhoodaan wanaagaaga dafira, sirtaada faafiya, noloshaadana diida, wax aanad ahayna kaa sheega.”
6: "Anagu ma nihin kuwa ka dib dhacsan reer Galbeedka, balse, waxa aynu nahay kuwa ka dib dhacsan Islaamka. Caalamka waxaan ugu hadhnay ka dib markii aan ka tagnay Diinteena.”
7: "Waa in aad ILaahay ka filataa, wax aanu garaadkaagu sugayn; ILaahay wax walba wuu awoodaaye.”
8: "Joogiddaada iyo la'aantaadu Islaamka waa isugu mid, balse, adigu Islaamka la'aantii waad lumaysaa.”
9: "Islaamku adiga la'aantaa wuu guuleysanayaa, laakiin adiga Islaamka la'aantiis waad khasaareysa.”
10: "Waxa aan aaminsanahay in Alle yahay ka kaliya ee wax abuura, waxa uuna noo soo diray rasuullo iyo nebiyo, si ay noo hagaan.”
11: "Haddii aad jeceshahay Alle waa in aad jeclaataa Nabiga (scw). Haddii aadan jeclaan karin midka aad arki karto, sidee ayaad u jeclaan kartaa midka aadan arki karin.”
12: "Nooloow keligaa, hayeeshee cidna kelinimo ha badin; u nooloow si qof weyn, hana ku noolaan isla weyni; Alle u nooloow, Dartiisna u dhimo; abuurkana Abuurahooda u daa.”
13: "Dumarku, iyagu waa hooyadaa, iyagu waa walaalahaa, iyagu waa inanta aad dhashay, iyagu waa eeddada/habaryartaa, waa in ay noqdaan kuwo la jecel yahay oo aan iib ahayn; anigu ma xayaysiinayo.”
14: "Qof ayaa ku yidhi Sheekh Diidaat: "Dumarku waa fitnada adduunka.” Sheekh Diidaat ayaa ugu jawaabay, "Haa waa runtaa, waan kugu raacsanay boqolkiiba boqol. waayo, Nacas adiga oo kale ah ayey 9 bilood la soo dhibaatoodeen oo adduunka keeneen si uu dumarka ugu tilmaamo dhibaatada adduunka!”
15: "Haddii aad cunto fasahaad, jidhkaaga ayaa fasahaadaya .. haddii aad akhriso buug fasahaadsan, garaadkaaga ayaa fasahaadaya .. Iska jira kuwa wax qora garaadkiina waxa ay u yeedhinayaan.”
Faisal Ahmed Karshe. |
|
||||
Aan idinla wadaago xikmadihii qaar ka mid ah Caalamkii weynaa ee Shiikh Axmed Diidaa, Alle ha u naxariistee
Aan idinla wadaago xikmadihii qaar ka mid ah Caalamkii weynaa ee Shiikh Axmed Diidaa, Alle ha u naxariistee